قصيدة وعد مهجور
كلمات ،،علي صابر
الوعد حمل تقيل وأمانة
وباب جوة باب مقفول
مش كلمة تتقال و(مع) السلامة
لأ دي شرحها يطول
وما يعرفش معنى الأمانة
غير المتربي ابن الأصول
وكنت فاكر طريقك
سكة سلامة
أتاريها السبب إني أموت مقتول
شدتني من إيدي
غريزة الفضول
وقالت لي ده يا سيدي
اللي كل أمانيك بيها تطول
خليتني (مهتم بيك فوق أي اشغال)
خليتني أعمل المستحيل
عشان ألاقيك والحبك أنول
كنت فارش روحي تعدي عليها
ولو طلبت حياتي فدا ليها
ما كنتش مخون عينيها
ولا فكري إنك تسيبيني
مترنح وكإني مسطول
أمنتك حياتي وأوقاتي
وأسرار ذكرياتي
اديتك من عمري كل ما هو آتي
بس ده جزاتي
إني حبيت حد غير مسؤول
